|
ON CHIMEN POU DEMEN
Répondè
Ouléladé a ladé ladé lala
Ladé ladé ladé ladé ladé lala
oulélé ladé ladé dé o
Ouléladé a ladé ladé lala
On jou oswè an kouché pou mwen dòmi
Mwen an réflèksyon, an pa ka touvé sonmèy
Lè sonmèy fini pa chayé mwen
Kouté on rèv i pasé an sèwvèl an mwen
An ka révé konsa Gwadloupéyen
yofini pa konpwann fò viv an awmoni
Yo ka maché lanmen dan lanmen
Pou yo pé fè péyi a yo vansé
Jennès an nou tèt a-y asi zépòl a-y
Yo pa ka vann van pou achté kourandè
Pa ka prévwa léchèl épi penso
Pou pentiré syèl pannan tout lajouné
Kanta travay a pa sa ki ka manké
Toutmoun oboulo, pa ni vòlè ou flannè
Ou pé pati lésé pòt a-w gran wouvè
pèsonn pé ké mannyé ayen akaz a-w
kanta anplwayé é kanta patwon
yo ki té toujou a kouto tiré
Yo ja konpwann yo adan on menm kannòt
Si kannòt koulé, toutmoun-la k'ay néyé
Tout nonm é tout fanm politik an nou
Achté on konduit é yo ni pis konsyans
Pa ka sonjé anni entérè a yo
É yo ka tiré pou Gwadloup monté pi wo
Gwadloupéyen enmé sa ki ta-y
pa ka woté bouden pou pé sa fouwé pay
pa ka lésé tonbé tousa i tini
Pou adòpté tout mès a moun vini
Nou ka woulé, nou ka pòté mannèv
Pou nou gadévwè ka lavi ka pòté
Nou pa ka rété dé bwa kwazé
Bouch an nou gran wouvè ka atann bato antré
Ki nèg ki blan, ki zendyen, ki kako
Mété tèt a yo anba on menm bonnèt
ka woulé, ka pòté mannèv
Pou nou voyé Gwadloup monté pi wo
|
