|
MANMAN DOUDOU
Manman Doudou an ka di-w mèsi onpil
An ka di-w mèsi pou tousa ou ja fè ban mwen
Manman Doudou an ka di-w mèsi ankò
Davwa ou té ni lidé a mété mwen asi latè
On bèl bouké sé pou-w Manman
Doudou Dé timo dou sé pou vou
Manman Doudou Dé bèl pawòl, dé mo maké
Sòti an fon a kè an mwen pou fè kè a-w kontan
Jou-la, jou-la ou mété mwen asi latè
Jou-la, jou-la zyé an mwen wouvè asi jou
Jou-la, jou-la ou té ban mwen lavi
Jou-lasa sé pi bèl jou pou mwen, pousa an ka di-w mèsi
On bèl bouké sé pou-w Manman Doudou o
Dé timo dou sé pou vou Manman Doudou
Dé bèl pawòl, dé mo maké
I sòti an fon a kè an mwen pou fè kè a-w kontan
Sé vré, sé vré, sa pa té toujou fasil o
Piti a piti ou rédé mwen a pwan doubout
Ou rédé mwen a mèt on pyé douvan lòt
É si défwa an té tribich ou té ka sipòté mwen
Pou dézòdyè défwa an té dézòdyè ou tann
Men ou toujou rimèt mwen an bon chimen
É padavwa lavi sé on konba
Ou ban mwen onpil fòs é kouraj pou sa an ka di-w mèsi
Dé ti pawòl an parabòl ki plen moral
Ou té ka di mwen an pa té ka toujou konpwann
Mété tèt a-w égal é machwa a-w
Pa jalou moun é pa anvyé tousa lézòt tini.
Jan ou vwè ou ranjé kabann a-w sé jan ou dòmi
Fò sa défwa kontanté -w dé sa ou tini
Rèspèté moun pou yo rèspèté-w osi
Onpil lanmou épi rèspé an tini pou-w manman.
Dé ti pawòl an parabòl ki plen moral
Ou té ka di mwen an pa té ka toujou konpwann
Rèspèté moun pou yo rèspèté-w osi
Onpil lonè épi rèspé an tini pou-w manman.
|
