Poulbwa

Répondè :
Adriyèn o
An vwè poulbwa a kaz a yo
Poulbwa ka manjé yo
Kasayé woulo

Alé kriyé lé répondè
Lévé lavwa an syèl o
Kriyé lé tanbouyé
An kontrayé

Oti lé frantiran
Sové la ritounèl o
An vwè poulbwa mondong
Mwen anmégdé

Poulbwa ka manié yo
Kawongnizoayo
Bèt la ka nannan yo
Akontinyé

Poulbwa an lasal a yo
An chanm kouché a yo
Bèt la an potomitan
A kaz a yo

Poulbwa souri ba yo
Ifè zyédou bayo
Zyéklè zyé koloré
I kouyonné yo

Poulbwa anvayi yo
Anba solèy cho la
Bèt la rantré pa krèy
Kon tilili o

Alé kriyé lé vwazinaj
Savé-w sa maléré
Poulbwa fè nich a li
An zékal a yo

Poulbwa konparézon
Poulbwa foufougongon
I vié pwan plas a yo
A kaz a yo

Poulbwa an kolòn séré
Avòté kon matrité
Poulbwa an konplosité
I pa pè yo

Poulbwa vlé gouvèné
Tout pyès a kaz a yo
Fè yo konprann san li
Yo an dalo

Poulbwa pa ka sanm yo
I pa ni mès a yo
Poulbwa pé pa plédé
Pou kòz ayo

Poulbwa pa Klendenden
Klendenden pa zétwal o
Poulbwa pé pa Idéré
Pou nanm ayo

Kriyé Gwadboupéyen
Tout bobo ni longan
An tann on gaoulé
On tonnèdidyé