LESKLAVAJ
traduction française
Répondè
Davwa la libèté, davwa la dinyité
Davwa tout nonm sé nonm, Nèg èsklav révolté yo
Davwa la libèté, davwa la dinyité
Davwa tout nonm sé nonm, Nèg mawon libéré yo
Monté o pawlèman pou nou konté péché a yo
Kriyé yo a lasanblé pou nou ba yo vèwdik an nou
Déklaré lèsklavaj krim kont limanité
Alé kriyé yo o séna, lèla vin'n pou yo réparé
Ewopéyen yo vini débaké an afrik
Yo alé chèché nèg pou yo té dépòté yo
Yo fè yo vwayajé a dan kal a bato la
Lè ou vouè yo rivé o zantiy, yo mété nèg an èsklavaj
Nèg pa té ka konté, jou kon lannuit té maltrété
Nèg pa té ka konté, tou lé jou fo yo té goumé
Sété travay fòsé, sété fwèt ka palé
Pawòl é fièté a yo, sété lanmò ou libèté
Lé blan pwoklamé labolisyon a lèsklavaj
A fòs nèg té ja goumé pou té sòti an èsklavaj
Tout frè é sè an nou, yo té ja révolté yo avan
I fo pa nou obliyé yo mò doubout o konba
An ka mandé Delgrès ki mò pou raché libèté
An ka mandé Ignas ki mò pou raché libèté
Pou yo voyé a si nou kouraj é dinyité a yo
Pou vouè si an tèt an nou, nou osi nou ké libéré nou
Si ou vouè lé mò té pé vouè nou a si la tè
Solitid é Masoto té gadé nou an ba syèl blé la
Yo té ké kriyé nou, pitit an nou zanfan an nou
Libèté sé pli gran viktwa nonm é fanm pé gannyé si la tè
Sé gras a nèg mawon si nou ni on pèsonnalité
Sé gras a nèg mawon si jodi jou nou pé palé
Sé gras a nèg mawon si ou vouè yo ka rèspèté nou
Sé fos a nèg mawon ka kenbé nou a si lé pié
|
