Konsan'n

Répondè

Konsan'n vini i byen palé
I palé i byen kosé
I kosé i byen palé
I palé dè libèté

Mwen ka kriyé lé répondè
Ka kriyé lé tanbouyé
Ka kriyé lé bonjwa
Pou kouté Konsan'n palé

Alé kriyé manman ban mwen
Alé kriyé papa ban mwen
Alé kriyé sésé ban mwen
Pou kouté konsan'n kozé

Ansanm ansanm nou té sanblé
Yon'n dé twa ti banbiyo
Pou kouté pou té tandé
Lè konsan'n té langajé

Libèté sé nèg mawon
Nèg mawon ki byen lité
Ki lité pou té raché
Té raché la libèté

Yo goumé pou libèté
Solitid épi Ignas
Libèté pa ka achté
Libèté pa si mawché

Si'w bizwen la libèté
Fè'w chèché la libèté
Sa ka fè lontan mésyé
Nou maré nou anchéné

Nou maré nou ka tranglé
I ja tan pou nou lévé
Nou ka viv adan péyi
On pati ka bwè é manjé

Lot pati ka èspéré
I ja tan pou sa chanjé
On kalbas tini dé kwi
Ou pé koupé'y ou fè twa kwi

Asiré sa pa pétèt
Ou pé ké bwè é manjé
Massoto épi Delgrès
Avè tou lé nèg mawon