ELEKSYON
Répondè
Oulélé léo lélalé lalalé lala
Oulo Lélalé lala oulélé lalé léo
Oulélélé lélé lélalé lalalé lala
Oulélalé lalé lalé lalé lalé lala
Kanpagn élèktoral mèt kandida déwò kon touloulou
Sé konsa konpè chalo vin touvé'y échwé koté mwen
Davwa ija ka vwè an ki jan i ké sizé adan méri-la
I ka poté on mannèv pou i pé tin on majorité
Ou vini koté mwen on gran lavalyè pann an kou aw'w
Ou ka tapé do an mwen ou ka ban mwen gran bèl lanmen
Pou sa an sé boug a'w ou sé boug an mwen pani pon pwoblèm
Tousa padavwa ou ké bizwen ti sifraj an-an-la
An konnèt chalo toujou awogan é mépwizan
Dépi i anpolitlk i vin on mannyè senpatik
Moun i pa menm konnèt i ka kouri di yo gran bèl bonjou
Tousa padavwa i ké bizwen sifraj a yo la
Ou vini owa an mwen pou pé envité mwen an konférans
Davwa an té-é vé savé ki pwogram ou ka prézanté
Vwazen an-an vwè'w pasé mi i ja déklaré mwen lèmni
Davwa moun a entèl pa dwèt frékanté ta entèl
Si adan on komin ou tini sèt ou wit kandida
Ou ké tini otan klan chak moun ka défanm moun a yo
E moun a entèl ka chiré chimiz a'y pou entèl
Pou sa mwen di zot tan a èlèksyon sé tan a divisyon
Adan on konférans pawol sot é fol ka pwan lavol
Mépwi ka trenné atè vi privé a moun an tout lan
Sa mwen pa tandé sé sa mwen pa té ni tan kouté
Ni dé pawol an tan'n ki pa mérité répété
Kanpagn élèktoral sé osi moman a pi bèl pwomès
Tousa ou pé bizwen apwé élèksyon chalo ké ba'wy
I pé menm pwomèt vou fè lalin-la kléré kon solèy
Pwomès i péké fèw sé sa i pa té ké sonjé
Povjou élèksyon-la sé on sèl konba mélé an biwo-la
Sa i pa emné voukoum ni kita rété an kaz a yo
Lé mo é lé zabsan fe lolo kado tout sifraj a yo
On bwèt a lin disparèt pa mandé mwen ola li pasé
|
